How to use Ubersocial [ شرح برنامج تويتر ]

ان مستخدمي تويتر زادو
خاصه من البلاك بيريين اللي يستخدمون برامج تويتر بأجهزتهم
واكيد وطبعاً من ضمن واهم هالبرامج اللي هو برنامج Ubersocial
سابقاً : Ubertwitter .. وبما ان كثير مستصعبين اعدادات البرنامج الكثيره
او مو فاهمينها ..
لـ تحميل البرنامج
Ubertwitter is now Ubersocial // App


راح نبدأ نسوي الإعدادات ..
اول صفحه بتجيكم هي مجرد صفحه ترحيبيه اضغطوا Next

بعدها


تحطون يوزركم اللي مسجلين فيه بتويتر بس بدون الـ @
وبعدها الباسوورد ويُفضل تسوون Verify Account "تحقق من الحساب"
واذا قالكم Success توكلوا على الله وكملوا الخطوه الثانيه



هذي الخطوه معناها اذا كنتم تبغون تتبعون بروفايل البرنامج بتويتر



اذا كان عندكم حساب في قوقل توك ..
وتبغون يسوي ابديت بالتوك مع اخر ابديت لك بتويتر
اول شي تحطون صح بالمربع بعدين دخلوا حسابكم مع الباسوورد
اذا ماتبغون اتركوا كل شي فاضي واختاروا Next



نفس الشي مع حسابكم بالفيس بوك ..
تقدرون تسوون شيرنغ مع الفيس بوك واي تويته تكتبونها تروح للحائط بالفيس بوك
وطريقة التفعيل نفس القوقل توك حطوا صح بالمربع بعدين سوو Log in
بيوديكم لصفحة الفيس بوك وبيطلب انكم تدخلون الإيميل والباسوورد تبع الفيس





الأربع خطوات السابقه كلها عن تحديد مواقعكم ..
وان مواقعكم والمنطقه اللي انتوا فيها تنزل مع كل تويته او كل فيديو او صوره
انا اقترح انكم ماتحطون صح عند اي خيار الا اللي حاب




حجم الخط ونوعه وعرضه
الأولى للتايم لاين
الثانيه لما تفتح التويته بشكل منفرد



الصور الشخصيه للمتوترين يصير حجمها صغير ..
انا خليتها بحجمها الطبيعي لأن الصغير مره مو مبينه



تحديث التايم لاين
وكم كل مده تبغى تحديثات اللي عندك تنزل..
الأوقات عندكم من دقيقه الى 4 ساعات وبعدين Never
من دقيقه الى 4 ساعات تكون محدده والبرنامج يسوي لها تحديث توماتيكي
Never يعني ماراح يسوي تحديت ابداً وانت بتسويه يدوياً كل مابغيت

انا حاطه 1 دقيقه .. وعلى فكره .. من 5 دقايق واقل ..
هالشي يستهلك بطاريه كثير



ستايل التايم لاين ..
الأول Bubble بين التويتات فواصل
والثاني Bar بدون فواصل

بالنسبه للفقره الثانيه اللي هي خيارات متنوعه
اول خيار 1 - اذا كنتوا تبغون اظهار مربع الحوار .. مثلاً اذا كتبت انا تويته
و رد علي شخص بتويتر لما افتح التويته بلقى العلامه
واقدر اشوف على اي تويته هو رد سواءً لي او لغيري .. هذا شكل ايقونة الحوار

المحدده بأزرق على اليمين
بعد ماتفتح ايقونة الحوار .. مثال:

هالخاصيه تفيدك .. لما تشوف رد بتويتر على شخص وطق فيك
عرق اللقافه تبغى تعرف وش قايل ذاك الشخص
مايحتاج تروح بروفايله تدور .. لا .. افتح التويته وادخل هالخاصيه
وتلقى كل الحوارات اللي صارت عن هالسالفه

الفقره اللي بعدها وهو انك تضغط زر الإنتر بجهازك عشان يسوي للتويته
اللي كتبتها ارسال .. انا عن نفسي استخدمها لأن زر الإنتر بتويتر مايفيدني
بحكم انه مايتعامل بالمساحات اللي من زر انتر ..
يعني لما تكتب شي بتويتر اكتبه ورى بعض او بينهم نقاط وفواصل
لكن هذي الحركه ما تنفع

لأنك لما تنزلها بتصير كذا لكنهذيالحركهماتنفع
لذلك احرصوا على زر ( المسافه )

الخيار الثالث والرابع اللي هو الـ Picker
هالخاصيه مدري شلون اشرحها لكم
لكنها زي التذكير .. لما تبي تكتب لأي شخص من الفولورز عندك
مجرد ماتكتب بالتويته @ بتطلع لك قائمه بأسماء الفولورز
وبرضو تحفظ الهاشتاقات اللي شاركت فيها .. مجرد ماتحط #
بتطلع لك قائمه بكل الهاشتاقات اللي انت كتبتها من قبل بنفس البرنامج
اذا شلت الصح من هالخيارين راح تفقد هالميّزه ..

اخر خيار ضروري تحطون فيه صح عشان اللغه العربيه
ماتطلع مقلوبه عندكم ..



هالخيار لإعدادات الثيم
.. فيه الوان الثيم وعندكم 8 الوان
وبرضو خيارين غير مهمين .. خلوها زي ما انا حاطه

الخيار اللي بعده



الأول اخفاء تويتر اذا ماكان تحت الإستخدام ..
اذا تبون هالخاصيه حطوا صح بالمربع

الخيار اللي بعدها .. كيف تبغون علامة التويتر
اللي فوق الخضرا مع البار .. صغيره او عاديه
برضو خيار اختياري



هنا التنبيهات الصوتيه اللي بتويتر .. حطوها زي ما انا حاطه
واللي التنبيهات ماتشتغل عنده يشيك على الأوضاع ويعدل بنغمة البرنامج
زي مايبغى



هنا التنبيهات الشكليه بتويتر .. اللي تطلع العلامه معها
حطوا زي ما انا حاطه ..



هنا علامة اللامقروء من التويت ومتى تبغونها تطلع وكيف تبغونها
تروح توماتيكاً او يدوياً
وهذي العلامه >>>
كنها ورده او هي ورده
تجي جنب كل تويته لامقروءه ,


هنا عدد التويتات اللي تكون بالتايم لاين
واللي بعده عدد اقصى حد من التويتات تنزل
ومقاس الأيقونات



هنا اعدادات الإتصال ..
اللي مايبغى الواي فاي يشيله من الخيارات
بس حتى مع هالخيار يشتغل البرنامج بدون واي فاي



حطوا صح عند هالخيار ..
عشان لما تطلعون من البرنامج يظل شغال مايتقفل وتجيكم تنبيهات



موقع الرفع اللي تبغون ترفعون عليه صوركم من تويتر
لكم حرية الإختيار



كيف تبغون الريتويت يكون ..
مع تعديل مثل الإقتباس
او ريتويت كامل بدون اي تعديل منك
او سؤالك في كل مره تسوي فيها ريتويت .. تبي كذا والا كذا ..



تجاهلوا هالفقره



اذا عندك حساب بموقع اختصار الروابط bit.Iy تقدر تحط يوزرك والكي
وتستخدم هالخاصيه .. انا ماعندي حساب لذلك ما استخدمتها للأن



هنا من اهم مميزات تويتر
اللي هي انك تكتب اكثر من 140 حرف بدعم احد المواقع الثلاثه
وانت تختار اللي تبي منهم راح تنزل التويته الطويله برابط يفتحونه..
والأحلى بالأبر لما احد يكتب بتويتر بأحد هالمواقع
ماراح تضطر تفتح الرابط لا .. لما تفتح التويته راح يطلع لك كل الكلام



اذا عندك حساب بهالموقع تقدر تحطه يوزرك وتتفعل عندك الخدمه
الموقع للقراء لاحقاً .. يعني لما تشوف شي طويل وماعندك وقت تقراه
وخايف تنسى .. تحط علامه يحفظها لك الموقع بحيث بعدين لما تفتحه
تلقاه محفوظ .. لكن ما جربت طريقته بتويتر

وخلصنا الإعدادات ..

الحين بشرح لكم كم نقطه ..
اللي هي التايم لاين اللي من اليوم اسولف فيه .. بعضكم يقول وشو التايم لاين



التويتات اللي نقرا فيه للناس
هذا هو التايم لاين .. او الـ ( Home )
والمستطيل الأحمر اللي اللي فوق وعنده سهم
هذا ( البار Bar )



وهنا لما اكتب تويته جديده
شوفوا فيه سهم اخضر جنب حرف الـ F
حرف الـ F هذا معناه الفيس بوك والسهم اذا كان اخضر يعني التويته
بتنزل للحائط بالفيس .. اذا ما تبغى هذي التويته تروح اضغط على الـ F
وبيصير السهم رمادي .. يعني ماراح تروح الحائط



لما تفتح بروفايل اي شخص عندك وتنزل تحت بتلقى هالخاصيه
هي تقريباً احلى شي
حتى موقع تويتر الأم مو موفرها ..
واللي هي منشنز .. تقدر تشوف من خلالها كل الردود اللي وصلت لأي شخص تبغاه
مثلاً قالت بنت عمتي صباح الخير
وفيني لقافه ابي اعرف مين رد عليها
ادخل بروفايلها وانزل تحت لهالخاصيه وبيطلعون لي كل اللي ردوا عليها
بإستثناء .........! اللي بروفايلاتهم مقفله ومحميه

وبخصوص اللي مقفلين حساباتهم فهم مايقدرون
يرفعون صور او فيديو او يستخدمون المواقع اللي تكتب اكثر
من 140 حرف بالأبرسوشيال.. بسبب قوانين الحمايه بتويتر